خطر لي خاطر منذ يومين
ان لو مات الريس بجد ...الجرائد هتخاف تنشر الخبر
ليطير فيها 4 رؤوس رؤساء التحرير
.
.
.
يا تري احنا فعلا بنتبرمج بالطريقة ده
اضرب المربوط يخاف السايب
يا تري انت كده؟؟
طب و انت صغير لو حد من اخواتك عمل غلطة فمامتك او باباك زعقله او وصل الموضوع للضرب
كنت بتعمل ايه؟؟؟
بتبقي مؤدب ومطيع و لما ينادوا عليك تجري و ترد
صح و لا
افهم انت بقي
يا تري صح انك تتعظ من المربوط..و لا المفروض تستغل انك سايب
طب ليه تربط نفسك
هو اضرب عشان مربوط...لكن انت امرك بايدك
.
..
بعيدا عن اي سفسطة
السؤال دلوقتي؟؟؟
لما رئيس جمهورية يوتوبيا يفلسع هنعرف ازااااااااي؟؟؟؟
يا بني الباب اللي يجيلك منه الريح .. سده و ما تقرفناش
.
.
.
.
.
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي
6 comments:
أما الريس يموت .. هتلاقي مصر كلها بتزغرط
دخلت النهاردة أشوف لو كنتى كتبتى حاجة جديدة. وبعدين لفت نظرى حاجة مهمة أوى. أنتى ليه مهتمة أوى لو رئيس يوتوبيا مات هتعرفى أزاى. تفتكرى هتفرق معاكى حاجة. و لا هيه حشرية وفضول وتدخل فى حياة الناس وخلاص. ما أحنا طول عمرنا عايشين مش عارفين حاجة خالص وطلعنا متعودين اننا نسمع كل حاجة ماما تقولها ومنسألش على الحاجات العيب
ده أنتى حتى لما بتمشى فى الشارع هتلاحظى ان التكوين الجسمانى للانسان المصرى تطور بحيث انه (معلش يعنى قفاه مش باين) يعنى تلاقيه كده ماشى معووج. لا لا مش عشان ميضربش ده عشان عيب الختم يبان
وطبعا أكبر دليل على الشفافية والحرية ان اننا اهو عندى حرية عدم افشاء اسمى. مين ده اللى بيقول خوف. كلام فارغ
السلام عليكم
تقريبا دى تانى مره حضرتك تعلقى عندى
علقتى مره زمان فى مدونتى القديمه وا اسلاماه
ماشاء الله حضرتك فهمتى قصيدتى اكتر منى
انت مرحب بك دائما فى مدونتى ولك الحق فيها مثلى تماما من الان
عفوا اعذرينى لن استطيع ان اتواصل معك كثيرا على الاقل فى الوقت الحالى لظروف خاصه
انتظر عودتك كثيرا
كان فى سؤال لماذا اسم واصطنعتك لنفسى ؟
السلام عليكم و رحمة الله و بركاته
حزين
بجد تعليقك كبير عليااوي..و جملة "لك الحق فيهامثلي تماما من الان" بجد بجد ما استاهلاش..انت بجد شاعر رائع و كلماتك و أفكارك و ابياتك فعلا مبدعةو معبرة..ربنا يكرمك علي كلماتك الرقيقة ده في مدونتي
بالنسبة للاسم "و اصطنعتك لنفسي" فهي الايه رقم 41 من سورة طه..فيها كان الله عز و جل يخاطب سيدنا موسي..فكانت دائما ما أتعجب من هذه الايه و اتسائل يا تري كيف كان حال سيدنا موسي..هذا النبي الذي اصطنعه الله لنفسه..و كنت أدعو الله ان يصطنعني لنفسه اي ان يجعلني و يوجهني كما يريد سبحانه و يرضي..و مرة تلو الاخري بدأت اتعلق بهذا الاسم و أصبح اسمي في اي مدونة أو منتدي..لعل الله يمدني من هذه التسمية بعضا مما أتمناه و ارجوه.
جزاك الله خير و بجد نورت مدونتي و اتشرفت بزيارتك
ضاقت فلما استحكمت حلقاتها فرجت و كنت أظنها لا تفرج.
SHAHEENSHY...فوضى منظمة
تخيل اني بجد مش متخيلة ان في حد هيعيط..بالعكس انا اتوقع ان الشعب المصري هيعيط و يعيش في حداد و فجأة يبدأ في تذكر انجازات الريس العظيمة..أصلنا شعبنا طيب أوي و أصيل و أحيانا بيبقي أهبل..و مثال علي كده صدام..كبرت و انا بسمع الناس بتذم فيه..و لما قتلوه فجأة بقي شهيد..الله يرحمه ما حدش عارف خباياه كان فيها ايه أو مات علي ايه بس اديهم برضه في الاخر عيطوا عليه..نلف نلف و نعيط و نقول اهو..نعرفه أحسن من اللي ما نعرفوش..الريس دلوقتي بقي comfort zone بالنسبة لنا اللي لو خرجنا منها نتووووووه..
تصدق نفسي اسمع حد بيزعرط
نورتني و تشرفت بزيارتك و أعذرني علي تأخير الرد بس بجد كنت مشغولة جدا
هابي
بجد ردك مصيبة..انا بجد في الاول صدقت و اتخضيت ..كنت مفكراكي بتكلمي بجد
عارفة وجعتني اوي اوي الجزء بتاع التكوين الجسماني.صعب عليا شعبنا..أصل بحب المصريين اوي.." عيب الختم يبان" الجملة ده وجعتني اوي
و بعدين مين ده اللي بتسمع كلام كل حاجة ماما تقولها!!! عليا انا اللي الكلام ده..طب ده ماما نفسها انك تسمعيها اصلا..
لي تعليق علي نقطة الخوف..مصطفي حسني في الدرس الاربع اللي فات ذكر حادثتين مؤلمتين جدا جدا في البوسنةو بجد احنا فعلا عايشين في امان و الحمد لله كفاية ان بلدنا بشكل خاص مش في حالة حرب..ده نعمة و هنتحاسب عليها..صدقيني احنا فعلا عايشين في امان..بنروح الدرس و بنلبس اللي عايزينه و بنقدر ندخل المسجد نصلي..في في بلاد تانية ما يقدروش ينزلوا المسجد عشان الصواريخ بتتضربهم و بيكونوا في بيوتهم يدخلوا عليهم و يخطفوا نسائهم و أطفالهم و البقية معروفة..ربنا يستر علينا و علي كل بلاد المسلمين و ينجينا من الحال اللي احنا فيه..و الحمد لله علي كل حال
جزاك الله خيرا يا هابي
و متبقيش تخبي التعليقات ده تاني
نورتيني
Post a Comment