Friday, March 28, 2008

أشتاق إليك

رمضان
أشتاق إليك
أرجوك عد سريعاً
لم أعد أطيق الغياب

اللهم بلغنا رمضان
اللهم بلغنا رمضان
اللهم بلغنا رمضان


Sunday, March 23, 2008

keep ur monkeys man

أخيرا طلعت من البير

كان بقالي 4 أيام مقيمة في القاع .. كانوا صعبين أوي .. بس الحمد لله ربنا فكها علي ..

طب ده أنا حتي لقيت في الطريق وأناطالعة كهف كده فكنت هعدي أسلم


بس أفتكرت أن الكهف ده بتاع الرجاله فقط

والبير بتاع البنات
مش فوضي هيا

اللي مش فاهم أو مستغرب يقري كتاب
men are from mars & women are from venus

أو يتحايل عليا شويه وأنا أفهمه

بجد .. كان عندي حساسية مفرطة تجاه كل الأحداث حواليا .. كنت بتأثر جامد أوي الفترة اللي فاتت .. بس يمكن ده راجع لضغط الأحداث المتسارعة الكثير أوي اللي بتحصل لي


المهم المهم
عندي اعتراف خطير
أنا غلطت في حق كل من قرأ البوست الأخير .. غلطة كبيرة
أنا طبقت معاكم نظرية القرود
مش قصدي إهانة والله .. هي فعلاً إسمها كده
Monkey theory
الفكرة إن كل واحد عنده قرود علي أكتافه .. اللي هي همومه ومشاكله

المفروض إننا منرميش قرودنا علي حد .. لإن كل واحد عنده قروده
لما نسمع شكوي حد أو همومه المفروض إننا نحاول منضمش قرودنا علي قروده

علي الأقل علشان نعرف نساعده
وده الغلطة اللي أنا بعملها .. أنا بشيلكم قرودي
وبالتالي أنا أعتذر لكل قاريء
علي هذه القرود الغير مرغوب فيها
أنا اسفه
صحيح موعدكوش بكتابات وردية .. لكن علي الأقل سأحاول الإحتفاظ بقرودي

وكل ما حد يجيي يرمي عليك قروده قوله
Keep your monkies man

ملحوظة: جابر رجع الشغل النهاردة الحمد لله وأتضح إن الجرح سطحي لإن الهدوم خذت أغلب الطعنة

في خبر كمان هو ما يفرحش أوي بس ريحني نوعاً ما .. هو إن اللي طلعوا عله هم سودانيون وليس مصريون

علشان كده محدش حاول من المصريين في المحطة يساعدوه

أكييد قالوا بلديات في بعض

ربنا يعافينا ويعافي كل المسلمين
آمين
يا حزين يا قمقم في بحر الضياع
حزين أنا زيك وإيه مستطاع
الحزن ما بقالهوش جلال يا جدع
الحزن زي البرد ..زي الصداع
وعجبي

Thursday, March 20, 2008

شرخ في جدار نفسي


علي رجلي دم .. نظرت له ما احتملت
علي إيدي دم .. سألت: ليه؟ لم وصلت
علي كتفي دم وحتي علي راسي دم
أنا كلي دم .. قتلت؟ .. والا اتقتلت؟
عجبي

اليوم
بدأ يومي بخبر موجع جداً
جابر الأوفيس بوي السوداني والذي أحبه جداً
الذي أبدأ يومي بكوب من الشاي من صنعه قبل حتي أن أطلبه
في طريقه للعودة إلي بيته طلع عليه 6 حرامية
ضربوه وسرقوا ما معه - وهو ما لا يزيد عن 2 جنيه -
وطعنوه بالمطواة ونزف كثير

بكيت أوي .. كثير
حسيت وقتها بحكمة حد الحرابة
مش كفاية عليه الغربة .. هيسرقوا أيه منه
ماهو باين عليه إنه مش معاه فلوس
طب وبعد ما سرقوه .. يضربوه ليه
وأخذت أتخيل إحساسه الآن
إصابة في قلبه .. وإصابة في جسده
جرح في نفسه .. وجرح في جنبه
نزف لإحساسه .. ونزف لدمائه
أعتقد أن الكلان أحقر من أن يقال في هذا الموضع
لكن ما حدث جعلني أشعر
أن في حاجات وحشة كثير بتحصل بره
ما حدث اليوم قد أحدث شرخاً في جدار نفسي
***********

بالأمس
كنت أترجم طلب لجوء سياسي لأسبانيا يقدمه سودانين نازحين من دارفور

فكنت أقوم بترجمة الكلام لهم ثم كتابة البيانات الازمة

كان هناك جزء خاص بالإضهادات والتعذيب الذي تعرضوا لهم في بلادهم
فسمعت ما تتفطر له القلب منهم

سمعت الكثير ولم يكن موقف بكاء لأبكي كعادتي
فتماسكت عنوة

وعند فقرة كانت تتحدث عن أعمال التطهير العرقي لسكان دارفور بحجة أنهم أفراقة وليسوا عرب
والتمييز العنصري والتعذيب .. كل هذا بإسم الجبهة الإسلامية
وجدت يدي لا تقدر علي كتابة الجبهة "الإسلامية"
.. أن هذا لا يمت للإسلام بصلة
وقفت وقتها وأخذت أفكر .. هل أترجمها أم لا
من المفترض ألا أتدخل .. ولكني أعلم أن هذا الكلامي قد يفهم خطأ
لا أحد في هذا المكان يفهم الأسبانية سواي .. يمكنني ان أكتب ما أشاء
ولكني أعتبرت تغيير الكلام عملاً لا أخلاقياً .. فترجمته

ودعوت الله ألا تنطق يداي يوم القيامة بما كتبت
ولا أعلم حتي الآن إن كان ما فعلته صحيح أم خطأ

ولكن لا شك أن كل هذا الكلام الذي قرأته وسمعته منهم عن التعذيب وعن ما يجدث في دارفور

جعلني أتيقن أن
الناس بتعمل حاجات وحشة أوي بره
ما رأيته بالأمس
قد أحدث لا محالة شرخاً في نفسي
**********
يوم الأثنين الماضي
في طريق عودتي من ندوة مصطفي حسني في زدني
وبعد أن كنت بين صحبة من أفضل الشباب والبنات
الساعة كانت 8 بليل يعني مش متأخر، وكنت في شارع متفرع من عباس العقاد بس الشارع زحمة
بالصدفة البحتة نظرت -لسوء حظي- في مرآة عربتي لأري في السيارة التي تقف خلفي
شابين بيلفوا سيجارة .. وكانت اول مرة أري مثل هذا المنظر
معرفة أن هناك قاذورات في مكان ما شيء .. ورؤيتها شيء آخر

لا أجرؤ علي وصف ما رأيت .. وكيف كانوا ينظروا للسيجارة
ولكني شعرت بامعائي تتقلص وانقبضت ثم بكيت
بدأت أدعو لهم .. أصلهم غلابة أوي
حنقت عليهم جداً .. فقد آذوني جداً جداً

الناس بتعمل حاجات وحشة أوي بره
قد شرخوا جدار براءتي عنوة
قد شرخوا جدار نفسي
***********
وغيرها وغيرها كثيــــــــر
آراه كل يوم
كل هذه الشروخ قد صارت تصدعا
أخشي علي الجدار من السقوط .. من الانهيار
لا أقوي علي محاولات الترميم
كلما رممت شقاً .. ظهر غيره
ليس لي سواك يا ربي يرحم جدار نفسي وبراءتي
فهل تقبلني؟
هل تنقذني؟
فجداري علي شفا الانهيار
****
نوح راح لحاله والطوفان استمر
مركبنا تايهة لسه مش لاقية بر
آه م الطوفان وآهين يا بر الأمان
إزاي تبان والدنيا غرقانة شر
عجبي

Monday, March 10, 2008

ومن لم يجعل الله له نوراً .. فما له من نور



جربت إحساس العبودية قبل كده
ومن فينا مش عبد في البلد ده ... الناس كلها قرفانة .. وحالة البلد من سيء لأسوأ

لأه .. أنا بكلم علي عبودية تانية ... العبودية الجميلة؟ ... هذا الإحساس الذي لا ينسي

عبودية جميلة .. آه عارف عارف أخرتها .. هتقولي بقي تنمية بشرية وأنظر للجانب المشرق .. ونص الكباية والفيلم ده

لا تنمية بشرية .. ولا حالة البلد اللي تقرف .. أنا قصدي سورة الفرقان... سمعتها أو قرتها قريب؟


ياه .. مش عارف .. أصلي بقالي مدة كده مش مظبوط مع ربنا خالص ... حاسس أني بأرجع لورا أوي والذنوب بتكتر.. بس إشمعني سورة الفرقان يعني ؟ ..

وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا
وَالَّذِينَ يَبِيتُونَ لِرَبِّهِمْ سُجَّدًا وَقِيَامًا
وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا
إِنَّهَا سَاءتْ مُسْتَقَرًّا وَمُقَامًا
وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا
وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا
يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا
إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا
وَمَن تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا
وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا
وَالَّذِينَ إِذَا ذُكِّرُوا بِآيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا
وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
أُوْلَئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا
خَالِدِينَ فِيهَا حَسُنَتْ مُسْتَقَرًّا وَمُقَامًا


يــــــاه علي الحصري أو المنشاوي وهو يقرأ هذه الآيات .. تجعل القلب يتفطر .. حباً


يا تري آخر مرة حسيت أنك منهم كانت أمتي؟

فاكر حلاوة مشيتك وأنت حاسس أن الله يحملك ... أنت أصلاً مش ماشي ... الله يحملك

فاكر حلاوة نظرتك وإحساسك بالمخلوقات من حولك ... وأنت بتفكر أنهم يسبحون معك ... بيكون سبحان الله في انسجام غريب بينك

سبحان الله وبحمده ... سبحان الله العظيم

فاكر إحساسك أنك نظيف أوي من جوه

عينك لا تقع إلا علي ما يحب

قلبك لا يستشعر إلا ما يحب

يدك لا تلمس ولا تقع إلا علي ما يحب

بتمسك القرآن وتبدأ تلًمس علي صفحاته من جمال وحلاوة ما تشعر به

وتقربه من قلبك وتحضنه ..نفسك يدخل جوه ..جوه أوي .. وما يخرج إبداً

لمن استشعر كل هذا الجمال ... ألا تفتقده؟
ولمن لم يكرمه الله بعد ... ألا تشتاق؟

إيه رأيك تجرب يوم ... لو حاسس إنك بعيد وأن في سدود كثير ..توكل يا أخي ومتفكرش

خذ القرار الآن

غداً سأكون عبداً لله

إستني إستني

هتعمل إيه بعد القرار؟

ما أنت لازم تأخذ خطوات

.. ها هي صفات عباد الرحمن .. لو نفسك تكون منهم .. تشبه بهم .. أو تعالي نتشبه بهم

خذ قرار ..غداً سأمشي علي الأرض هوناً .. هذل نفسي لك يا ربي ..هخشع بين يديك يا رب

يمكن يكون أغرب قرار .. قرار بالذل والهوان ..لكنه لجبار السموات والأرض .. للرحمن .. الله


خذ قرار .. سأراقب لساني .. كلماتي .. أفكاري .. ستكون لله وعن الله وفي رضي الله


تعالي نمشيها خطوة خطوة

خطي هي نخطوها معاً نحو العبودية الحقة

نفسنا نكون منهم .. عباد الرحمن

إسمع سورة الفرقان وأقري الكلام تاني

وخذ قرار
.
.
وللحديث بقية