Friday, February 6, 2009

صمت

أنتِ جواكِ بركان غضب .. جواكي غضب شديد .. ومش عارفة تطلعيه على مين أو تلاقيله متنفس .. فبتطلعيه على نفسك .. زي ما تكوني بتحاولي الانتقام من نفسك .. ده غير إنك زعلانة من الناس .. من البشر.. زعلانه أوي .. عشان كده بتهربي من كل الناس .. ومش عايزة حد يقرب منك
..
نور ونار .. هو ده إنتي .. نور للي حواليكي .. تساعديهم على الخير وتأخدي بأيديهم .. بتلهميهم بأشياء تحفزهم وتحركهم .. لكن جواكي إنتي نار .. نار بتحرقك .. بأفكارك ومعتقداتك .. بافعالك .. نار بالتناقضات اللي جواكي .. نار بتلسعك إنتي بس في صمت
..
إنتي أصلك صفحة بيضا أوي زيادة عن اللزوم .. كان لازم تتكحرتي شوية .. كان لازم تمري بكل اللي الناس بتمر بيه .. بس بصراحة إنا اتعلمت منك حاجات كثيرة .. وانتي كمان نضجتي اكثر .. الطفلة اللي جواكي بتنضج .. اسمعي نفسك وانتي بتتكلمي دلوقتي واسمعي افكارك وانتي تصدقيني
..
طول عمرك بتحاولى تمشي جوا الحيطة .. مش بس جنب الحيطة .. والزمن اللي احنا فيه ده مينفعش نمشي فيه غير في نص الشارع .. ده اللي انتي لازم تصدقيه
..
طبعاً عارفك .. غنية عن التعريف .. سمعت عنك كثيـــــر أوي
..
ياخد من قلبي ويسرك .. والله ببقي قاعده كده وابص للسما وافتكرك واقول ..ياخد من قلبي ويسرك
.
وعندئذ .. هربت مني الحروف .. عجزت عن الكلام .. ولم أجد سوى الصمت رداً
.
When he was placed in the well
or locked in the dungeon
betrayed by his own flesh and blood
convicted of what he did not
handsome Yusuf sighed
Allah is enough for me!

Taken in as a slave
made to work night and day
resisting all temptation
Allah is enough for me!
Until the king had a dream
Many hard years had gone by
patience and repentance
Allah is enough for me!
.
Till...the fortunate day
there he sees his father
in the land of content
Allah is enough for me!

Handsome Yusuf cried
Allah is enough for me!
.
Every night brings a new day
Allah alleviates all pain
Everything has its end
Allah is enough for me!
.
(Lyrics: Zain Bhikha, Allah is enough for me)

4 comments:

ahmEd_H said...

حسنا فعلتى

نور ونار said...

وكان صمتك ابلغ من اي كلام
!!!
صبرتى ياما واللى يصبر ينول

يدهشنى دوماً ذكائك

syzef said...

اعتقد ان الصمت هنا كان بمعني السكوت ..السكوت الغير معبر..معتقدش اطلاقا انه كان بمعني الاقتناع ..او ع الاقل كان بمعني مراجعة لبعض اسلوب الحياة او بعض التصرفات او بعض النظرات للامور..لكنه اقتناع معتقدش ده ابدا

كل مقطع من كلامك او من كلام الطرف التاني اللي هو نفسك برضه غالبا ليكي..لازم يكون عليه الف تعليق والف قانون

اعتقد ان التعليقات والتقنين ده لكلاام الشخص ما ده ليكي انتي تملكيه تماما ولا تحتاجين من يبثه اليكي..ثقتنا بكِ تقول لنا ذلك

لن نقول سوي الله يكفيكي فاستعيني به ولا تعجزي واعتمدي عليه ولا تقنطي وتوكلي عليه وتيقني من كفايته عزوجل وكوني قبس نور لنفسك اولا واعيني نفسك باستعانتك بالله ثم هبي نورك لمن حولك مع تمام الاستعانة بالله ثانية

عودتكِ للتدوين ولو كانت بمثل هذا البوست القلق تشي بنا عودة الي التدوين قريبا

واصطنعتك لنفسي said...

Ahmed-H

فعلاً!!

لما بقرأ الكلام تاني بحس إن في كلمات جوايا عايزة تخرج..لكنها محبوسة
خليها محبوسة بقا أحسن
:)

***
M.M.M

وأنا يدهشني انـخـداعك الدائم في

***
سيزيف

بوست قلق ليه بس :)الحمد لله انا تمام
وفعلاً صمتي هنا كان سكوت فقط بالطبع..ولم يعني موافقة..باستثناء آخر موقفين لإن مشاعرهم كانت صادقة وأقوى مما اجد له رداً مساوٍ

عموماً هو لم يكن حديث نفس بل هي لقطات حقيقية لشخوص مختلفة تماماً.. لكنها تركت أثراً بداخلي بغض النظر عن اتفاقي أو اختلافي معها

ربنا يكرمك على تذكرتك الطيبة..سأتذكر كلماتك دوماً
-
ربنا يصلح لك الأحوال
وتتخلص من عذابك السيزيفي..وتعود للوطن قريباً إن شاء الله