أخيرا طلعت من البيركان بقالي 4 أيام مقيمة في القاع .. كانوا صعبين أوي .. بس الحمد لله ربنا فكها علي ..
طب ده أنا حتي لقيت في الطريق وأناطالعة كهف كده فكنت هعدي أسلم
بس أفتكرت أن الكهف ده بتاع الرجاله فقط
والبير بتاع البنات
مش فوضي هيا
اللي مش فاهم أو مستغرب يقري كتاب
men are from mars & women are from venus
أو يتحايل عليا شويه وأنا أفهمه
بجد .. كان عندي حساسية مفرطة تجاه كل الأحداث حواليا .. كنت بتأثر جامد أوي الفترة اللي فاتت .. بس يمكن ده راجع لضغط الأحداث المتسارعة الكثير أوي اللي بتحصل لي
المهم المهم
عندي اعتراف خطير
أنا غلطت في حق كل من قرأ البوست الأخير .. غلطة كبيرة
أنا طبقت معاكم نظرية القرود
مش قصدي إهانة والله .. هي فعلاً إسمها كده
Monkey theory
الفكرة إن كل واحد عنده قرود علي أكتافه .. اللي هي همومه ومشاكله
المفروض إننا منرميش قرودنا علي حد .. لإن كل واحد عنده قروده
لما نسمع شكوي حد أو همومه المفروض إننا نحاول منضمش قرودنا علي قروده
علي الأقل علشان نعرف نساعده
وده الغلطة اللي أنا بعملها .. أنا بشيلكم قرودي
وبالتالي أنا أعتذر لكل قاريء
علي هذه القرود الغير مرغوب فيها
أنا اسفه
صحيح موعدكوش بكتابات وردية .. لكن علي الأقل سأحاول الإحتفاظ بقرودي
وكل ما حد يجيي يرمي عليك قروده قوله
Keep your monkies man
ملحوظة: جابر رجع الشغل النهاردة الحمد لله وأتضح إن الجرح سطحي لإن الهدوم خذت أغلب الطعنة
في خبر كمان هو ما يفرحش أوي بس ريحني نوعاً ما .. هو إن اللي طلعوا عله هم سودانيون وليس مصريون
علشان كده محدش حاول من المصريين في المحطة يساعدوه
أكييد قالوا بلديات في بعض
ربنا يعافينا ويعافي كل المسلمين
آمين
يا حزين يا قمقم في بحر الضياع
حزين أنا زيك وإيه مستطاع
الحزن ما بقالهوش جلال يا جدع
الحزن زي البرد ..زي الصداع
وعجبي
4 comments:
صحيح هتبقى حاجة جميلة أننا منشلش قرود غيرنا لأن الناس الحساسة دى - اللى أنا ماأعرفهمش يعنى- اللى بتتأثر بكل حاجة وتتوجع من شكوى حد غالبا بتتأثر.
بس فيه حاجة تانية، مين اللى قال أننا مش المفروض نشكى لبعض، أمال نفضل كده عفاريتنا تخبط فينا ونعانى فى وحدة. بالعكس الواحد ساعات لما بيكلم عن مشاكله بيرتاح والستات - بمناسبة الكتاب برضه- بتبقى ساعات عارفة إن المشكلة ملهاش حل لكن الكلام عنها فى حد ذاته بيريحها. أمال ليه فيه حاجة أسمها أصحاب ورفقاء، ما هما دول اللى المفروض يساعدوكى تطلعى من البير بسرعة طالما كده كده كل فترة بنقع فيه.
هوه بس الواحد لو قدر ياخد قرود الناس التانية ويرميها بعيد - يعنى ميخلهاش تتنطط على كتافه- يبقى حقق المعادلة الصعبة
جميلة اوى نظرية القردة دى ..اول مرة اعرفها ..بس هى مش منطقية اوى ..لان انا مؤمنة ان الانسان طالما هو مخلوق اجتماعى ..طبيعى جدا انه لما يضايق يشكى همومه لحد يخفف عنه..
هى انمظرية صح فى حاجة ..اننا مش لازم نتاثر بقرود الناس :) دى فعلا صح ..لاننا كده هنقدر فعلا نساعدهم اكتر
هاهاها
على فكرة مينفعش حد يحتفظ بالقرود بتوعه فترة طويلة
يعنى فى البيزنيس لازم توزعى القرود بتوعك على الناس اللى بتشتغل عندك و لو انت فى شغل حتلاقى المدير بتاعك بيرمى عليكى قروده و انتى بترمى على الاصغر منك و هكذا
So u can't keep ur Monkeys 4 a long time !!
كتاب الرجال من المريخ و النساء من الزهرة
كتاب جميل
أنا كنت حضرت ندوه تلخص هذا الكتاب و إستفدت منها كثيرا
لكنى لم أقرا الكتاب حتى الان .
لكنى عرفت أن هناك كتاب جديد إسمه
"الرجال من المريخ
النساء من الزهرة
الأطفال من الجنه "
Post a Comment