عن موضوع الفول واللحمة
صرح مصدر قال مسئول
إن الطب اتقدم جداً
والدكتور محسن بيقول
إن الشعب المصري خصوصاً
من مصلحته يقرقش فول
حيث الفول المصري عموماً
يجعل من بني آدم غول
والبروتين الكامن طيه
نادر زيه في أيها فول
تأكل فخدة في ربع زكيبة
والدكتور محسن مسئول
يديك طاقة وقوة غريبة
تسمن جداً تبقى مهول
لحمة نباتي ولا في الحاتي
تأكل قدرة تعيش مسطول
ثم أضاف الدكتور محسن
إن اللحمة ده سم أكيد
بتزود أوجاع المعدة
وتعود على ظلم الأيد
وتنيم البني آدم أكثر
وتفرقع منه المواعيد
واللي بيكلوا اللحمة عموماً
هيخشوا جهنم ده أكيد
يا دكتور محسن يا مظقلط
يا مصدر غير مسئول
حيث إن إنتوا عقول العالم
والعالم محتاج لعقول
ما رأي جنابك وجنابهم
في واحد مجنون بيقول
احنا سبونا نموت باللحمة
وانتوا تعيشوا تأكلوا الفول
ما رأيك يا كابتن محسن
مش بالذمة كلام معقول
!!!!
(الشيخ إمام)
7 comments:
:D
احنا وكام دوله الي بتاكل الفول ده , وباقي الدول بيأكلوه للباهيم
احيانا تستخدم امي معي نفس الاسلوب
عندما تحاول جاهدة ويائسة ان تقنعني بالعدس كاكلة علي سبيل التغيير وانها بروتين نباتي مفيد جدا
او حتي القرنبيط بفوائدة العظيمة
جميل قوي التراث ده
صحيح ليه الانشودة بتاعه والقلب لم تعد تعمل وتشيع ذلك الجو الحاني كما كانت من قبل
رجاء اعيديها
امممممممممممممممممممممم..الشيخ امام؟وكمان قصيدة الفاجومي اللي اتسجن سنة كاملة عشانها؟ ..حرّصي علي نفسك بقي..مش عارف بتجيبي الوش اللي بيضحك منين بقي..ههههههه
مش عارف اشكرك ازاي علي انك جبتي الشيخ امام و ف التوقيت ده بالذات..انا ساعة ما فتحت البوست كنت قاعد بشوف استجواب الحكومة حول تصدير الغاز لاسرائيل..تلك النكبة التي تفوق نكبة الستينات..اد ايه كنت محتاج روح السخرية اللي ف القصيدة والتهكم الرهيب اللي فيها علي الكذب والتزييف والخداع اللي مستمرة فيها الحكومة منذ عهووووووووووووووووووووووووووووووووووود بعييييييييييييييدة جدا..ومتمادية فيها ولا ادري ان كان استخفافا اكثر بصمت طال لنا ام محاولة لاستكمال النص المسرحي الذي يشترك فيه الجميع حكومة وشعبا ..حكومة بالكذب وشعبا بالعلم المسبق للكذب والاستمتاع بسماع الكذب والسكوت عنه ..ماهو لازم العرض يكمل..كان لازم اسمع ساعتها الشيخ امام بروح التهكم والسخرية دي وبنقد الفاجومي اللاذع ده
اولا الشيخ امام ده حيفضل روح اي ثورة عربية بجد حتي ولو كانت ثورة الفول..يكفيه انه المغني الوحيد اللي اعرف انه اُعتقل ولو كانت المعلومة خطأ وحد يعرف مغني تاني ف تاريخ الغناء اعتقل عشان اغانيه يقولي ياخوانا..وتلحين وغناء الشيخ امام لقصايد الفاجومي اضافت للنص جدا واعطته روح ثورية اقوي واكسبته عمرا اطول جدا جدا ..واحمد فؤاد نجم رغم تحفظاتي الشخصية عليه الا انه حيفضل صاحب صوت شعري ثوري خاص
في بس بعض الكلمات انتي سمعتيها مش بتركيز شوية ..زي صرح مصدر (بيه)مسئول مش قال..وكمان ..وتعود علي (طولة ) الايد مش ظلم..كمان النص العامي بيُكتب زي ما يُنطق..فنقول..يجعل (م)البني ادم غول مش من بني ادم..كمان اضافة الالف واللاام في ..وتينم(البني)ادم كسر الوزن ..والمفروض انها من غير الالف واللام فتكون ..وتنيم بني ادم اكثر..وكمان يامصدر (يا)غير مسئول لانها كده كسرت برضه بدون(يا)
بشكرك جدا علي توقيت البوست اللي تناسب مع الجو العام ف مصر ومحاولات الحكومة المستطردة لتجويع الشعب بجد وده مش كلام جرايد والله ..اقسم ان ما يحدث حقيقة هو محاولات تجويع حقيقية..حتي الفول ياجماعه بقاش متاح والله..وبشكرك علي توقيت البوست اللي كان متناسب معايا شخصيا ..وكأن مدونتك حقيقة اصبحت تقدم لي ما احتاجه روحيا وفكريا
تحياتي جدا جدا لكِ وللشيخ امام وللفاجومي..وحسبي الله ونعم الوكيل ف اخوانا البــُعدا..قال اخوانا قال..اقصد اعداءنا اللي المفروض انهم منا
أنشودة القلب جمييييييييييييييله
awl mara asm3aha !! :D
thx 4 sharing
كريم عبد المجيد @
بهايم بهايم!! بس الناس تعرف تشتريه اصلاً.. ده حتي الفول غلوه على الناس.. بقوا لا طايلين اكل بني آدمين ولا أكل حيوانات حتى
******
@ فهد
على فكرة بقا أنا أحب شورة العدس جداً جداً وأحب القرنبيط البانية
:)
الابتهال بيعمل عندي.. يمكن بس يكون وقتها كان في مشكلة مع السايت ممكن حضرتك تبقي تعمل ريفرش للبلوج والابتهال يشتغل تاني ان شاء الله
دوماً يسعدني مرورك هنا
جزاك الله خيراً
********
@ أحمد منير
إمممممممممممم.. إنت اصلك ما تعرفش إني ثورجية وإرهابية كمان :))
الناس ساكتة بس صدقني الايد اللي بتخنقنا ده هنفكها قريب.. كلما يزيد الضيق يقترب الفرج.. لا أملك إلا أن أدعو.. حسبنا الله لما أهمنا.. حسبنا الله لمن ظلمنا.. حسبنا الله لمن بغى علينا.. حسبنا الله ونعم الوكيل
حال الناس هنا بدون مبالغة يصعب على الكافر والله.. بيوت دون أبواب.. مرضي لا يجدون حق علاج.. وبطون جوعى
مقولة محدش بينام من غير عشا بقت غير صحيحة.. بقوا بيناموا كثيير من غير عشا ولا حتي غدا
لكن ارجع واقول الفرج قريب ان شاء الله.. اكيد قريب
يا فندم زيارتك بتشرفني.. زورزنا تجدوا ما يسركم إن شاء الله
:)
*****
أم البنين
إنه طوبار!!
أنا شخصياً أعشقها
:)
*****
@ ahmEd_H
kaman z lyrics for Ahmed Negm..
Glad you like it :)
Post a Comment